Sede Xudicial Electrónica
Solicitude de descarga do expediente xudicial electrónico
Que é
Trátase dunha solicitude mediante a cal se pide ao órgano xudicial de Galicia que tramita o procedemento a descarga en formato dixital do Expediente Xudicial Electrónico (EXE). A persoa solicitante deberá ter a condición de parte no procedemento ou acreditar un interese lexítimo directo conforme á normativa procesual vixente.
Documentación a presentar
Para realizar a solicitude deberá incluírse a seguinte información:
• Número de Identificación Xeral (NIX) do procedemento.
• Tipo, número e ano do procedemento.
• Número da peza, no caso de que o procedemento corresponda a unha peza separada.
• Datos completos da persoa solicitante.
• Motivo da solicitude e escrito correspondente.
• Documento que acredite a representación legal, se a solicitude é presentada por un/unha representante.
Cal é o seu custo
Taxas:
Os escritos de trámite están exentos do pagamento de taxas xudiciais.
Como solicitalo
A presentación da solicitude poderá realizarse por medios telemáticos a través da Sede Xudicial Electrónica de Galicia.
Normativa
Real Decreto‑lei 6/2023, do 19 de decembro, sobre o Expediente Xudicial Electrónico.
Lei 1/2000, do 7 de xaneiro, de Axuizamento Civil, así como a normativa procesual específica aplicable segundo o tipo de procedemento.
Lei Orgánica 6/1985, do 1 de xullo, do Poder Xudicial (artigo 234, modificado pola Lei Orgánica 1/2025, do 2 de xaneiro, de medidas en materia de eficiencia do Servizo Público de Xustiza).
Lei Orgánica 1/2025, do 2 de xaneiro, de medidas en materia de eficiencia do Servizo Público de Xustiza. Calquera outra norma aplicable ao procedemento concreto ao que se dirixa o escrito.
