Sede Xudicial Electrónica
Que é e para que serve
A través dela levarán a cabo as actuacións, procedementos e servizos que requiran a autenticación da Administración de Xustiza ou da cidadanía e profesionais por medios electrónicos
¿Que é a Sede Electrónica?
Trátase de «aquela dirección electrónica dispoñible para os cidadáns e cidadás a través de redes de telecomunicacións cuxa titularidade, xestión e administración corresponde a cada unha das administracións competentes en materia de Xustiza», acorde o define o artigo 8 do Real Decreto-lei 6/2023, do 19 de decembro, polo que se aproban medidas urxentes para a execución do Plan de Recuperación, Transformación e Resiliencia en materia de servizo público de xustiza, función pública, réxime local e mecenado.
A Sede Xudicial Electrónica de Galicia é a principal canle de acceso electrónico da cidadanía á Administración de Xustiza en Galicia.
A quen vai dirixida
A Sede Xudicial está destinada a toda a cidadanía e aos profesionais que pretendan interactuar coa Administración de Xustiza en Galicia, asegurando o cumprimento das garantías procesuais.
Que podo facer
Mediante a Sede Xudicial Electrónica de Galicia, tanto os profesionais como a cidadanía, poden realizar trámites e acceder a distintos servizos como:
- A presentación de escritos e consulta electrónica de procedementos xudiciais e extraxudiciais.
- A consulta do estado dos expedientes xudiciais cos que se relaciona.
- A comprobación da autenticidade e integridade de documentos electrónicos emitidos pola Administración de Xustiza en Galicia.
- A presentación de queixas e suxestións.
- O acceso a contidos, como a carta de dereitos da cidadanía ou o calendario e hora oficiais, de interese para estes colectivos.
- O acceso á solicitude de asistencia xurídica gratuíta.
