Sede Xudicial Electrónica

Procedemento mediante o que se solicita autorización xudicial para o ingreso ou a permanencia dunha persoa maior ou con discapacidade nunha residencia xeriátrica cando non poida prestar consentimento válido por si mesma.

Tramítase conforme á Lei 15/2015, do 2 de xullo, da Xurisdición Voluntaria ou á Lei 1/2000, do 7 de xaneiro, de Axuizamento Civil.

Pode iniciarse por:

• A propia residencia xeriátrica, cando a persoa non teña establecidas medidas xudiciais de apoio.
• Os gardadores de feito.
• Os curadores designados xudicialmente.
• A propia persoa interesada ou os seus familiares.
• O Ministerio Fiscal.
• O órgano xudicial, en casos de urxencia.

Tramítase ante o Tribunal de Instancia competente.

O procedemento permite:

• Solicitar xudicialmente a autorización para o ingreso ou permanencia dunha persoa nunha residencia xeriátrica cando non poida decidir por si mesma.
• Presentar escritos de trámite durante a tramitación do expediente, como aportación de documentación adicional, informes médicos, aclaracións ou solicitudes accesorias. 
• Garantir que a protección da persoa interesada se realice conforme á normativa vixente, asegurando a tutela da súa saúde, seguridade e dereitos fundamentais. 

Para iniciar o procedemento, a solicitude ou escrito deberá conter:

• Datos de identificación da persoa solicitante, co enderezo a efectos de notificacións.
• Datos da persoa afectada e, no seu caso, doutras persoas interesadas.
• Exposición clara e precisa dos feitos e da solicitude que se formula.
• Documentación acreditativa, cando resulte necesaria, entre a que poderá incluírse:
  • Informe médico actualizado sobre a saúde e capacidade da persoa interesada.
  • Documentación que acredite a relación coa persoa afectada (nomeamento de curador, gardador de feito ou outros documentos relevantes).
  • Informes sociais ou outros certificados que se consideren de interese para a autorización solicitada.

Cando non sexa obrigatoria a intervención de avogado/a e procurador/a, non será necesario fundamentar xuridicamente a solicitude.

A solicitude poderá confeccionarse mediante impreso ou formulario normalizado dispoñible na Sede Xudicial Electrónica, oficinas xudiciais ou servizos comúns.

Taxas:

Este procedemento no contempla o pagamento de taxas xudiciais.

Gastos:

Os gastos derivados da tramitación do expediente, tales como os ocasionados por testemuñas ou peritos, serán a cargo de quen os propoña, agás que a lei dispoña outra cousa.

Os gastos de asistencia ou representación legal (avogado/a ou procurador/a) correrán a cargo da persoa solicitante, no caso de optar pola súa intervención.

A presentación da solicitude poderá realizarse por calquera medio, de forma presencial ou a través da Sede Xudicial Electrónica de Galicia.

A solicitude presentarase no Servizo de Rexistro e Repartición do Servizo Común Xeral do Tribunal de Instancia correspondente ou ante o Servizo Común de Tramitación do Tribunal de Instancia cando sexa único o partido xudicial.

Pode consultar a localización e os datos das Oficinas de Rexistro e Repartición e dos servizos comúns no Directorio Xudicial.

Lei 15/2015, do 2 de xullo, da Xurisdición Voluntaria, artigos 8 e 14.

Lei 1/2000, do 7 de xaneiro, de Axuizamento Civil, artigos 762 e 763.

Código Civil, artigos 264.2 (gardadores de feito) e 287.1 (curadores).