En consonancia coa evolución da Administración Xudicial Electrónica incorporaranse, paulatinamente, nestes espazos da Sede Xudicial Electrónica de Galicia novos servizos, na procura dunha relación da cidadanía coa Administración de Xustiza en Galicia máis áxil e mellor.

Principais servizos a disposición da cidadanía

Ir á miña carpeta

Trátase dun espazo persoal orientado á cidadanía no que poderá acceder á información privada e servizos que permiten a súa relación coa Administración de Xustiza en Galicia con plenas garantías de seguridade.

Actualmente, dende este espazo os cidadáns e as cidadás poden acceder a:

• Os meus procedementos: para consultar o estado dos procedementos xudiciais nos que participan como denunciantes ou demandantes, a súa axenda de sinalamentos e a documentación xa presentada dos procedementos iniciados na propia sede electrónica, así como realizar a presentación de novos escritos de trámite dos mesmos.
• As miñas descargas: para descargar as gravaciones das vistas e/ou os expedientes administrativos nos casos nos que dispoñan do localizador correspondente.
• As miñas notificacións: para acceder ás notificacións enviadas pola Adminsitración de Xustiza ás persoas obrigadas a relacionarse a través de medios electrónicos.
  Para saber como facelo consulte esta folla de divulgación.
  Na páxina de preguntas frecuentes pode consultar que órganos teñen dispoñible o envío de notificacións electrónicas, así como outra información para saber quen debe empregar este sistema, cando e como.

O acceso a este espazo require de autenticación mediante certificado dixital.

➥ Acceso á miña carpeta

Catálogo de procedementos

É o inventario de procedementos xudiciais nos que o cidadán ou a cidadá pode participar sen representación de avogado ou procurador de cara a facilitar a información e formularios precisos para levala a cabo. Nalgúns destes procedementos está habilitada a presentación telemática directamente na Sede Xudicial Electrónica.

Na ficha de detalle de cada procedemento do catálogo móstrase unha breve presentación do procedemento, a relación da documentación que se debe presentar con el, a onde acudir para a súa presentación, a normativa relacionada, un conxunto de preguntas frecuentes que axuden á cidadanía a entender o devandito procedemento e o formulario normalizado para a súa presentación.

➥ Acceso ao catálogo de procedementos

Código de Verificación Electrónica (CVE)

Servizo para a validación da sinatura electrónica e a integridade e autenticidade dun documento asinado dixitalmente por un ou varios representantes da Administración de Xustiza en Galicia a partir do seu Código de Verificación Electrónica.

➥ Acceso ao CVE

Rexistro electrónico de apoderamentos

Servizo que permite á cidadanía, a través dun servizo proporcionado polo Ministerio de Xustiza na súa Sede Xudicial Electrónica, as seguintes opcións:

• Dar de alta un apoderamento como comparecente/representante.
• Dar de alta un apoderamento como poderdante.
• Consultar o detalle dun apoderamento en calidade de comparecente/representante ou poderdante.
• Revogar ou prorrogar o apoderamento Apud Acta se o seu estado fose vixente.
• Descargar o xustificante do apoderamento.

➥ Acceso ao rexistro electrónico de apoderamentos

Taboleiro Edictal Xudicial Único (TEXU)

Este taboleiro unifica a publicación de edictos xudiciais, acabando coa dispersión en taboleiros de anuncios en distintos boletíns oficiais.

➥ Acceso ao TEXU

Principais servizos a disposición dos e das profesionais

Acceso profesionais

Este é o espazo no que os e as profesionais poderán acceder a información privada e servizos que permiten a súa relación coa Administración de Xustiza en Galicia con plenas garantías de seguridade.

Actualmente, dende este espazo poden acceder a:

• Os meus procedementos: para consultar o estado dos procedementos xudiciais nos que participan como representación dalgunha das partes, a súa axenda de sinalamentos personalizada e a documentación xa presentada dos procedementos iniciados na propia sede electrónica, así como realizar a presentación de novos escritos de trámite dos mesmos.
• As miñas descargas: para descargar expedientes administrativos e/ou as gravacións das vistas nos casos nos que dispoñan do localizador correspondente, ou descargar o Expediente Xudicial Electrónico (EXE).
  Para saber como descargar o EXE e que órganos teñen dispoñible a súa compartición, accede á páxina de preguntas frecuentes.

O acceso a este espazo require de autenticación mediante certificado dixital.

➥ Acceso á sección "Acceso profesionais"

Catálogo de procedementos

Acceso aos formularios normalizados para a presentación dunha serie de escritos iniciadores e de trámite, entre os que se atopan:

• o escrito de trámite xeral
• ou a presentación de informe pericial.

➥ Acceso ao catálogo de procedementos

Código de Verificación Electrónica (CVE)

Servizo para a validación da sinatura electrónica e a integridade e autenticidade dun documento asinado dixitalmente por un ou varios representantes da Administración de Xustiza en Galicia a partir do seu Código de Verificación Electrónica.

➥ Acceso ao CVE

Rexistro electrónico de apoderamentos

Servizo que permite o acceso e xestión dos apoderamentos apud acta dados de alta eletronicamente polos cidadáns e a descarga do seu correspondente xustificante.

➥ Acceso ao rexistro electrónico de apoderamentos

Taboleiro Edictal Xudicial Único (TEXU)

Este taboleiro unifica a publicación de edictos xudiciais, acabando coa dispersión en taboleiros de anuncios en distintos boletíns oficiais.

➥ Acceso ao TEXU