Información sobre os servizos

Información sobre os servizos

En consonancia coa evolución da Administración Xudicial Electrónica incorporaranse, paulatinamente, nestes espazos da Sede Xudicial Electrónica de Galicia novos servizos, na procura dunha relación da cidadanía coa Administración de Xustiza en Galicia máis áxil e mellor.

Escoitar

Principais servizos a disposición da cidadanía

A miña Sede para a cidadanía

Trátase dun espazo persoal orientado á cidadanía onde se poderá acceder á información privada e servizos que permiten a súa relación coa Administración de Xustiza en Galicia con plenas garantías de seguridade.

Actualmente, desde este espazo os/as cidadáns/ás poden acceder a:

As miñas notificacións:
Para acceder ás notificacións enviadas pola Administración de Xustiza ás persoas obrigadas a relacionarse a través de medios electrónicos. Permite aceptar as notificacións recibidas e consultar o seu detalle.

Para saber como facelo consulte esta folla de divulgación.

Na páxina de preguntas frecuentes pode consultar que órganos teñen dispoñible o envío de notificacións electrónicas, así como outra información para saber quen debe utilizar este sistema, cando e como.
Os meus escritos:
- Os meus borradores: para continuar coa presentación de solicitudes de escritos (iniciadores ou de trámite) realizados de maneira electrónica a través dos apartado “Trámites para a cidadanía” desta Sede e que quedaran en estado borrador.
- As miñas presentacións: para consultar a información e documentación das solicitudes de escritos (iniciadores ou de trámite) presentadas de maneira electrónica desde os apartado “Trámites para a cidadanía” desta Sede e coñecer o seu estado actual.
- Os meus expedientes: para consultar o estado dos expedientes xudiciais nos que a persoa estea rexistrada como parte do procedemento xudicial en calquera órgano de Galicia. Nos casos nos que a persoa actúe directamente ante os órganos xudiciais sen estar representado/a por os e as profesionais da xustiza, poderán tamén consultar o detalle do expediente e solicitar a súa descarga. A consulta ao expediente cando o interveniente figure como demandado será posible cando conste unha primeira notificación do órgano aceptada pola súa banda.
As miñas descargas:
- Descargas realizadas: mostra o histórico das descargas que o, ou, a persoa realizase de gravacións de vistas, expedientes administrativos e expedientes xudiciais.
- Descargas dispoñibles:
  - Expediente xudicial: permite descargarse o expediente xudicial electrónico solicitado previamente (inclúe gravacións de vistas e expediente administrativo nos casos que proceda).
  - Expediente administrativo: para descargar unicamente o expediente administrativo.
  - Gravación de vista: para descargar unicamente a gravación.
O meu calendario: para consultar os sinalamentos dispoñibles nos procedementos xudiciais de Galicia nos que a persoa sexa parte.

O acceso a este espazo require autenticación mediante certificado dixital ou DNI electrónico.

A Miña Sede (Cidadanía)

Catálogo de procedementos

É o inventario de procedementos xudiciais nos que o/a cidadán/á pode participar sen representación de avogado/a ou procurador/a co fin de facilitar a información e formularios precisos para levala a cabo. Nalgúns destes procedementos está habilitada a presentación telemática directamente na Sede Xudicial Electrónica.

Na ficha do detalle de cada procedemento do catálogo móstrase unha breve presentación do procedemento, a relación da documentación que se debe presentar con el, onde acudir para a súa presentación, a normativa relacionada, un conxunto de preguntas frecuentes que axuden á cidadanía a entender o devandito procedemento e o formulario normalizado para a súa presentación.

Acceso ao catálogo de procedementos

Código de Verificación Electrónica (CVE)

Servizo para a validación da sinatura electrónica e a integridade e autenticidade dun documento asinado dixitalmente por un ou varios representantes da Administración de Xustiza en Galicia a partir do seu Código de Verificación Electrónica.

Acceso ao CVE

Rexistro electrónico de apoderamentos

Servizo que permite á cidadanía, a través dun servizo proporcionado polo Ministerio de Xustiza na súa Sede Xudicial Electrónica, as seguintes opcións:

Dar de alta un apoderamento como comparecente/representante.
Dar de alta un apoderamento como poderdante.
Consultar o detalle dun apoderamento en calidade de comparecente/representante ou poderdante.
Revogar ou prorrogar o apoderamento apud acta se o seu estado fose vixente.
Descargar o xustificante do apoderamento.

Acceso ao rexistro electrónico de apoderamentos

Taboleiro Edictal Xudicial Único (TEXU)

Este taboleiro unifica a publicación de edictos xudiciais, acabando coa dispersión en taboleiros de anuncios en distintos boletíns oficiais.

Acceso ao TEXU

Principais servizos a disposición dos e das profesionais

A miña Sede para profesionais

Este é o espazo no que os e as profesionais poderán acceder a información privada e servizos que permiten a súa relación coa Administración de Xustiza en Galicia con plenas garantías de seguridade.

Actualmente, desde este espazo poden acceder a:

Expedientes:
para consultar o estado, a documentación detallada dos expedientes xudiciais ou solicitar a súa descarga nos que o/a profesional, de maniera individual ou como membro dun colectivo, participe en representación dalgunha das partes do procedemento en calquera órgano xudicial de Galicia.
Descargas:
- Descargas realizadas: mostra o histórico das descargas que o/a profesional realizara de gravacións de vistas, expedientes administrativos e expedientes xudiciais.
- Descargas dispoñibles:
  - Expediente xudicial: permite descargarse o expediente xudicial electrónico solicitado previamente (inclúe gravacións de vistas e expediente administrativo nos casos que proceda).
  - Expediente administrativo: para descargar unicamente o expediente administrativo.
  - Gravación de vista: para descargar unicamente a gravación.
Calendario: Para consultar os sinalamentos dispoñibles dos procedementos xudiciais de Galicia nos que o/a profesional participe como representación dalgunha das partes.